LÖG KEÐJUNNAR

Lög Keðjunnar

I. kafli. Almenn ákvæði

1. gr. Heiti félagsins og hlutverk

Félagið heitir Keðjan, nemendafélag Kvennaskólans í Reykjavík. Kennitala þess er 430993-2089. Lögheimili félagsins er að Fríkirkjuvegi 9, 101 Reykjavík. Varnarþing þess er í Reykjavík. Reikningsár félagsins er frá 1. maí til 30. apríl ár hvert.

Hlutverk félagsins er:

a) Að standa vörð um sameiginlega hagsmuni nemenda.

b) Að halda uppi virku félagslífi fyrir nemendur.
New paragraph

2. gr. Réttindi og skyldur félagsmanna

Allir þeir sem greiða félagsgjald til nemendafélagsins og stunda nám við Kvennaskólann eru fullgildir félagsmenn. Gjald fyrir inngöngu í nemendafélagið skal ákveðið á lagabreytingafundi á vorönn.

Fullgildir félagsmenn eru kjörgengi í trúnaðar – og stjórnunarstöður Keðjunnar og eiga atkvæðisrétt í kosningum félagsins ásamt atkvæðis- og tillögurétt á lagabreytingafundum þess.

Allir félagsmenn skulu lúta settum lögum félagsins og fundarsamþykktum.

Félagsmaður hefur fyrirgert rétti sínum til aðildar að Keðjunni ef hann brýtur lög félagsins og/eða samþykktir þess eða kýs að skrá sig úr félaginu.

Félagsmenn hafa þátttökurétt á öll mót, keppnir og skemmtanir sem félagið stendur fyrir. Félagsmenn skulu alla jafna njóta sérkjara þegar kemur að viðburðum á vegum Keðjunnar. Vinna félagsmanna fyrir félagið er sjálfboðavinna og eru ekki greidd laun fyrir.

II. kafli. Stjórn félagsins

3.gr. Aðalstjórn Keðjunnar

Aðalstjórn skipa: Forseti Keðjunnar, gjaldkeri, formaður margmiðlunarráðsins Unnar, formaður leikfélagsins Fúríu, formaður listanefndar, formaður málfundafélagsins Loka, formaður skemmtinefndar og markaðsstjóri sem öll eru kosin beinni kosningu að vori.

Átta eru kosnir einstaklingskosningu að vori, þar af einn Forseti.

4. Verksvið aðalstjórnar

Aðalstjórn Keðjunnar fer með æðsta vald í málefnum félagsins milli aðalfunda og fer með

úrskurðarvald í málefnum félagsins.

Aðalstjórn skal hafa yfirumsjón með allri starfsemi nemendafélagsins og koma fram fyrir hönd þess. Í þessu felast meðal annars tengsl við nefndir og félög sem starfa á vegum Keðjunnar.

Aðalstjórn skal sjá um úthlutun fjár til nefnda Keðjunnar og vinna fjárhagsáætlun fyrir hverja önn.

Aðalstjórn skal funda minnst einu sinni í viku og verður meirihluti sjórnar að sitja fund svo hann sé löglegur.

Aðalstjórn skal vera nemendaráð skv. lögum um framhaldsskóla.

Aðalstjórn skal halda uppi hefðarbók Keðjunnar sem skal vera uppfærð árlega, í lok seinni annar.

Allir meðlimir aðalstjórnar Keðjunnar hafa jafnan atkvæðisrétt, nema ef að atkvæðin skiptast jafnt á milli meðlima stjórnar, þá hefur Forseti tvöfaldan atkvæðisrétt.

Í upphafi skólaárs skal stjórn Keðjunnar skipta minni nefndum á milli sín og tryggja þannig að allar nefndir nemendafélagsins hafi rödd inn í stjórn Keðjunnar. Minni nefndir skulu þó halda sjálfstæði sínu í starfi og eru fyrst og fremst á ábyrgð formanns hverrar nefndar.

Þessa verkaskiptingu skal tilkynna félagsmönnum Keðjunnar á vefsvæði hennar eigi síðar en 1. september á ári hverju.

Sitjandi meðlimir í stjórn Keðjunnar eru jafnframt fyrrimyndir félagsmanna og eiga að gera allt sem í þeirra valdi stendur til að verða skólanum, og þeim sem í honum eru, til sóma.

Sé greiðsla hærri en 100.000kr skulu bæði Forseti Keðjunnar og gjaldkeri Keðjunnar samþykkja greiðsluna.

Forseti Keðjunnar

Er fulltrúi Keðjunnar gagnvart aðilum utan skólans og innan

Hefur yfirumsjón með allri starfsemi félagsins og skal stuðla að öflugu og fjölbreyttu félagslífi

Hefur rétt til að sitja fundi nefnda og ráða án atkvæðisréttar

Er fulltrúi nemenda í skólaráði og skólanefnd Kvennaskólans

Ber ábyrgð á skuldbindingum Keðjunnar ásamt gjaldkera Keðjunnar og skólameistara Kvennaskólans ef um fjárhagsskuldbindingar er að ræða

Hefur skoðunaraðgang að bankareikningum félagsins

Gjaldkeri (Varaforseti)

Gjaldkeri skal vera orðin fjárráða á skólasetningu, nema að undanþága sé veitt af hálfu kjörstjórnar, en þá þarf einstaklingur að verða fjárráða á sama ári og hann er kjörinn

Gerir fjárhagsáætlun félagsins í samvinnu formanna félaga Keðjunnar og leggur fyrir aðalstjórn fyrir 15. september ár hvert

Heldur utan um öll fjármál vegna starfsemi félagsins og samþykkir reikninga

Er tengiliður við fjármálastjóra Kvennaskólans og afhendir þangað samþykkta reikninga til greiðslu

Þegar skólaári lýkur skulu reikningar félagsins vera nemendum aðgengilegir og nýkjörinni stjórn til leiðbeininga

Formaður margmiðlunarráðsins Unnar

Formaður margmiðlunarráðs ber ábyrgð á starfi ráðsins á skólaárinu

Stjórn margmiðlunarráðs skal skipuð formönnum auglýsingarnefndar, ljósmyndanefndar, ritnefndar, fréttanefndar, Plötunnar, Klisjunnar og Pedróu, auk formanns margmiðlunarráðsins Unnar

Hlutverk margmiðlunarráðs er að efla, samþætta og stuðla að skilvirkni allra þátta margmiðlunar á vegum Keðjunnar

Formaður margmiðlunarráðs skal einnig vera ritari stjórnar og rita niður allar fundagerðir og opinbera fundi stjórnarinnar

Formaður leikfélagsins Fúríu

Formaður leikfélagsins Fúríu stýrir starfsemi leikfélagsins á skólaárinu

Stjórn Fúríu skal skipuð fjórum nemendum í upphafi skólaárs auk formanns; ritara, gjaldkera og tveimur meðstjórnendum, svo skal að lágmarki einn nýnemi vera valinn að hausti

Stjórn Fúríu skal gera fjárhagsáætlun fyrir starf félagsins sem samþykkt skal af aðalstjórn Keðjunnar fyrir 1. nóvember

Stjórn Fúríu útvegar og gerir samning við leikstjóra í samvinnu við fjármálastjóra Kvennaskólans

Stjórn Fúríu ákveður í samráði við aðalstjórn og leikstjóra hvaða leiksýning skuli sett upp á skólaárinu

Stjórn Fúríu stendur fyrir leiklistarnámskeiði/spunanámskeiði á haustönn þar sem m.a. er valið í leikhóp fyrir komandi leiksýningu

Stjórn Fúríu gerir samning við leikhús, ákveður leiktímabil og fjölda sýninga í samráði við stjórn Keðjunnar

Öll fjárútlát eru aðeins heimiluð af gjaldkera Keðjunnar sem skal hafa yfirumsjón með fjármálum Fúríu

Fúría hefur vald yfir greninu og allri starfsemi sem þar fer fram

Formaður listanefndar

Formaður Listanefndar ber ábyrgð á starfi nefndarinnar á skólaárinu

Stjórn Listanefndar skal skipuð fjórum nemendum í upphafi skólaárs auk formanns; ritara, og þremur meðstjórnendum, svo skal að lágmarki einn nýnemi vera valinn að hausti

Markmið listanefndar er að stuðla að listrænum viðburðum innan skólans

Stjórn Listanefndar skal hafa yfirumsjón með listavikum á skólaárinu og öðrum smærri skemmtikvöldum

Stjórn Listanefndar skal hafa yfirumsjón með framkvæmd Viðarstokks, árlegra góðgerðartónleika Keðjunnar

Stjórn Listanefndar skal skipuleggja og halda skíða og menningarferð Keðjunnar

Formaður málfundafélagsins Loka

Formaður málfundafélagsins Loka ber ábyrgð á starfi félagsins á skólaárinu

Stjórn Málfundafélagsins Loka skal skipuð fjórum nemendum í upphafi skólaárs auk formanns; ritara, og þremur meðstjórnendum, svo skal að lágmarki einn nýnemi vera valinn að hausti

Stjórn Málfundafélagsins skal sjá til þess að Kvennaskólinn tefli fram keppnisliði í MORFÍS og Gettu betur

Stjórn Málfundafélagsins Loka skal sjá um að velja þjálfara fyrir MORFÍs og Gettu betur lið Kvennaskólans í samstarfi við gjaldkera Keðjunnar

Stjórn Málfundafélagsins skal annast námskeið í ræðumennsku á haustönn og í framhaldinu halda innanskólaræðukeppnina Kvennó, Sygin

Stjórn Málfundafélagsins skal sjá um að halda Heimdall, innanskólaspurningakeppni Kvennó

Málfundafélagið Loki skal sjá um að mynda og æfa upp klappkjarna. Hlutverk klappkjarnans er að hvetja lið Kvennaskólans í Gettu betur og MORFÍs og halda uppi góðri stemningu á keppnum á vegum Keðjunnar

Málfundafélagið Loki skal sjá um að útbúa og dreifa söngbæklingum í samstarfi við klappkjarna

Formaður skemmtinefndar

Formaður skemmtinefndar ber ábyrgð á starfi nefndarinnar á skólaárinu

Skemmtinefnd skal skipuð fjórum nemendum í upphafi skólaárs auk formanns; ritara, og þremur meðstjórnendum, svo skal að lágmarki einn nýnemi vera valinn að hausti

Skemmtinefnd vinnur að stærri viðburðum á vegum nemendafélagsins, s.s. dansleikjahaldi, árshátíð og söngkeppninni Rymju

Skemmtinefnd skal einnig koma að skipulagningu ýmissa minni viðburða innan Keðjunnar svo sem skemmtikvölda eða viðburða í hádegishléum

Miðstjórn Keðjunnar

Aðalstjórn Keðjunnar, meðlimir allra nefnda innan vébanda hennar og árgangaráð mynda miðstjórn Keðjunnar

Miðstjórn Keðjunnar skal funda að lágmarki tvisvar á önn og oftar ef stjórn Keðjunnar telur þörf á því

Forseti Keðjunnar skal vera fundarstjóri á fundum miðstjórnar

Á fundum miðstjórnar skal stjórn Keðjunnar og aðrar nefndir miðla upplýsingum um áætlanir sínar. Meðlimir miðstjórnar skulu síðan leitast við að miðla þeim upplýsingum áfram til annarra félagsmanna Keðjunnar

Stjórn Keðjunnar skal sjá um að rita niður fundargerðir á miðstjórnarfundum Keðjunnar og miðla þeim til nemenda

IV. kafli. Nefndir og embættismenn Keðjunnar

Formaður nefndar eða ráðs sér um verkaskiptingu í sinni nefnd. Hann stjórnar fundum, ber ábyrgð á framkvæmdum nefndarinnar og er tengiliður hennar við aðalstjórn. Formaður ber ábyrgð á fjárreiðum nefndarinnar og að ársskýrslu hennar sé skilað til stjórnar Keðjunnar að skólaári loknu.

Allar nefndir skulu skila inn vinnuáætlun fyrir skólaárið á aðalfundi haust hvert. Í skýrslunni eiga að koma fram grófar tíma- og fjárhagsáætlanir fyrir viðburði nefndanna.

Innan vébanda Keðjunnar starfa eftirtaldar nefndir:

Auglýsinganefnd

Auglýsinganefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Hlutverk nefndarinnar er að sjá um að auglýsa viðburði á vegum Keðjunnar

Auglýsinganefnd skal skipa fulltrúa innan nefndarinnar til setu í margmiðlunarráði

Árbókarnefnd

Árbókarnefnd skal skipuð þremur nemendum í upphafi skólaárs. Skulu þeir vera úr 2. og 3. bekk

Hlutverk nefndarinnar er að gefa út árbók útskriftarárgangs Kvennaskólans

Nefndin skal finna teiknara og semja við hann í samráði við gjaldkera Keðjunnar

Nefndin skal sjá um skráningu nemenda í bókina, innheimtu efnis í bókina og sölu á henni. Allir félagar Keðjunnar á útskriftarári eiga rétt á skráningu í árbókina

Dimmissionnefnd

Dimmissionnefnd skal skipuð þremur nemendum úr útskriftarárgangi í upphafi skólaárs

Hlutverk nefndarinnar er að skipuleggja dimmissiondaginn, þ.e. að búa til dagsskrá fyrir daginn og panta veitingar og sal fyrir kvöldið, boða til æfinga o.fl.

Dimmissionnefnd sér um öll fjármál og innheimtu sem tengist deginum

Elítan

Elítan skal skipuð fjórum nemendum í upphafi skólaaárs, svo skal að lágmarki einn nýnema vera valinn að hausti

Formaður Elítunnar ber nafnið Einræðisherra Elítunnar

Hlutverk Elítunnar er að búa til frábær í meme í takt við það sem er vinsælt hverju sinni

Elítan skal halda viðburði til að koma hlutverki sínu á framfæri

Elítan má taka upp alla viðburði á vegum Keðjunnar

Femínistafélagið Þóra Melsteð

Femínistafélagið Þóra Melsteð skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Formaður Þóru Melsteð er meðlimur í jafnréttisnefnd Keðjunnar

Þóra Melsteð skal sjá um að fræða meðlimi Keðjunnar um femínisma og allt sem við kemur honum

Þóra Melsteð skal halda viðburði til að koma málefni sínu á framfæri

Fréttanefnd

Fréttanefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Hlutverk fréttanefndar er að gefa út fréttablaðið Jómfrúna, sem gefið er út á hápunktum félagslífsins, í nýnema- , epla-, og árshátíðarvikunni

Nefndin skal sjá um að útvega efni í blaðið og afla auglýsinga í samstarfi við markaðsnefnd

Fréttanefnd skal skipa fulltrúa nefndarinnar til setu í margmiðlunarráði

Góðgerðarnefnd

Góðgerðarnefnd skal skipuð þremur nemendum í upphafi skólaárs, svo skal að lágmarki einn nýnemi vera valinn að hausti

Hlutverk nefndarinnar er að skipuleggja góðgerðarvikuna í samráði við stjórn Keðjunnar og skólastjórnendur

Nefndin skal vinna að því að Kvennaskólanemendur sinni góðgerðarmálum

Hátíðarnefnd

Hátíðarnefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Hátíðarnefnd skal halda jólaviku og páskaviku

Hátíðarnefnd skal einnig halda viðburði í kringum aðra hátíðardaga

Nefndin skal einnig sjá um skreytingar fyrir viðburði skólans í samráði við stjórn líkt og eplaviku og árshátíðarviku

Hestanefnd

Hestanefnd skal skipuð þremur nemendum í upphafi skólaárs, svo skal að lágmarki einn nýnemi vera valinn að hausti

Hlutverk hestanefndar er að miðla upplýsingum um íslenska hestinn til nemenda Kvennaskólans

Hestanefnd skal halda viðburði til að koma hlutverki sínu á framfæri

Hinseginfélagið Stoltið

Hinseginfélagið Stoltið skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Formaður Stoltsins er meðlimur í jafnréttisnefnd Keðjunnar

Nefndin skal sjá um að fræða meðlimi Keðjunnar um hinseginleika

Nefndin skal halda viðburði til að koma málefni sínu á framfæri

Íþróttanefnd

Íþróttanefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Íþróttanefnd leitast við að auka áhuga nemenda á íþróttum auk þess sem hún sér um skipulagningu íþróttaviðburða yfir skólaárið

Íþróttanefnd skal halda að minnsta kosti eitt sleðakvöld á skólaárinu

Íþróttanefnd skal skipuleggja Kvennóleikana í samráði við aðalstjórn Keðjunnar

Jafnréttisnefnd

Jafnréttisnefnd skal skipuð formönnum Þóru Melsteð, Stoltsins, stjórnarmeðlimi, ritnefndarmeðlimi, jafnréttisfulltrúa nemenda og jafnréttisfulltrúa skólastjórnar

Jafnréttisfulltrúi Kvennaskólans er leiðbeinandi teymisins

Hlutverk jafnréttisnefndarinnar er að útbúa jafnréttisáætlun og kynna fyrir nemendum og skólayfirvöldum auk þess að fylgjast með stöðu jafnréttismála í umhverfi nemenda

Jafnréttisnefnd skal stuðla að því að starf Keðjunnar sé unnið með hliðsjón af jafnréttisáætlun Keðjunnar

Jafnréttistnefnd skal fara yfir allt efni sem Keðjan gefur út og skal útgáfan háð samþykki nefndarinnar

Nefndin skal halda samráðsfund með jafnréttisnefnd Kvennaskólans að minnsta kosti tvisvar á önn

Jafnréttisfulltrúi ber ábyrgð á að jafnréttisnefnd Keðjunnar starfi á skólaárinu, fylgi jafnréttisáætlun sinni og fundi að minnsta kosti einu sinni í mánuði

Jafnréttisfulltrúi er tengiliður nemenda við jafnréttisnefnd

Kósýnefndin Valur

Kósýnefnd skal skipuð þremur nemendum í upphafi skólaárs, svo skal að lágmarki einn nýnemi vera valinn að hausti

Nefndin skal standa fyrir flatbökusölu fyrsta föstudag hvers mánaðar

Nefndin skal sjá um að umgengi í Litla Kvennó sé í samræmi við skólareglur

Nefndin skal einnig sjá um þrif á samlokugrilli og örbylgjuofni í Litla Kvennó einu sinni í mánuði

Ljósmyndanefnd

Ljósmyndanefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Ljósmyndanefnd sér um að taka og vinna einstaklingsmyndir fyrir heimasíðu Keðjunnar

Ljósmyndanefnd skal vinna í samráði við margmiðlunarráð og sjá til þess að fagmannlega sé staðið að öllum myndatökum á vegum Keðjunnar

Ljósmyndanefnd skal sjá um að birta myndir á lokuðu svæði nemenda eða í útgefnu efni með leyfi viðkomandi nemanda/nemenda

Að minnsta kosti einn meðlimur nefndarinnar skal vera viðstaddur á viðburðum Keðjunnar til myndatöku

Ljósmyndanefnd skal sjá til þess að myndaveggur sé í skólanum

Ljósmyndanefnd skal vera öðrum nefndum Keðjunnar innan handar með ljósmyndun

Formaður er fulltrúi ljósmyndanefndar í margmiðlunarráði

Markaðsnefnd

Markaðsnefnd skal skipuð fjórum nemendum í upphafi skólaárs auk formanns; fjórir meðsjórnendur, svo skal að lágmarki einn nýnemi vera valinn að hausti

Markaðsnefnd sér um að afla auglýsinga í miðla Keðjunnar og öflun annarra styrkja í tengslum við viðburði Keðjunnar

Markaðsnefnd skal sjá um markaðssetningu fyrir alla viðburði skólans í samráði við aðrar nefndir

Nördanefnd

Nördanefnd skal skipuð tveimur nemendum í upphafi skólaárs, svo skal að lágmarki einn nýnemi vera valinn að hausti

Hlutverk nördanefndar er að stuðla að sértækri afþreyingu fyrir nemendur, svo sem spilakvöldi, LARPi, kvikmyndakvöldi, lani og fleira

Nördanefnd hefur vald yfir Greninu og er ábyrg fyrir því

Peysufatanefnd

Peysufatanefnd skal skipuð þremur nemendum í upphafi skólaárs

Peysufatanefnd skal sjá um skipulagningu á peysufatadeginum í samvinnu við fulltrúa skólans. Í skipulagningunni felst að útvega dans- og söngkennara, harmónikkuleikara auk þess að koma á sambandi við búningaleigu

Peysufatanefnd sér um þátttökuskráningu fyrir peysufatadaginn

Ritnefnd

Stjórn ritnefndar skal skipuð sjö nemendum í upphafi skólaárs, svo skal að lágmarki einn nýnemi vera valinn að hausti

Ritnefnd sér um útgáfu Heimasætunnar, skólablaðs Kvennaskólans sem koma skal út í apríl

Ritnefnd skal sjá til þess að ljóðaveggur sé í skólanum

Útgjöld ritnefndar skulu ákveðin í samráði við gjaldkera Keðjunnar

Hlutverk ritnefndar er að afla efnis í Heimasætuna innan skóla sem utan. Ritnefnd skal sjá til þess að Heimasætan sé prófarkalesin og samþykkt af stjórn Keðjunnar og skólastjórn Kvennaskólans í Reykjavík. Auk þess ber ritnefnd ábyrgð á því að varðveitt verði 10 eintök af blaðinu

Formaður ritnefndar er fulltrúi í margmiðlunarráði

Ritnefnd skal skipa einn fulltrúa í jafnréttisnefnd Keðjunnar

Formaður ritnefndar og Forseti Keðjunnar bera ábyrgð á efni og útgáfu Heimasætunnar

Tjarnardaganefnd

Tjarnardaganefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Hlutverk nefndarinnar er að hafa umsjón með skipulagningu á Tjarnardögum ásamt fulltrúum Kvennaskólans

Tjarnardaganefnd skal sjá um að gera samninga við öll þau fyrirtæki og aðila sem koma að dögunum

Tjarnardagarnefnd skal sjá um skráningu þátttakenda, skipun í hópa, innheimtu þátttökugjalda og um reikningsskil í samstarfi við gjaldkera Keðjunnar

Tjarnardagar skulu haldnir í sömu viku og árshátíð Keðjunnar

Tónlistarnefndin Platan

Tónlistarnefnd skal skipuð fjórum nemendum í upphafi skólaárs, svo skal að lágmarki einn nýnemi vera valinn að hausti

Tónlistarnefnd skal stuðla að öflugu tónlistarlífi meðal Kvenskælinga

Tónlistarnefnd skal finna og velja meðlimi í skólahljómsveit Kvennaskólans ár hvert sem skal vera sverð og skjöldur tónlistarlífs Kvennaskólans

Tónlistarnefnd skal skipa fulltrúa nefndarinnar til setu í margmiðlunarráði

Technonefnd

Technonefnd skal skipuð tveimur nemendum í upphafi skólaárs, svo skal að lágmarki einn nýnemi vera valinn að hausti

Technonefnd hefur yfirumsjón með tækjabúnaði fyrir viðburði Keðjunnar í samvinnu við umsjónarmann fasteigna Kvennaskólans

Nefndin skal sjá um notkun á tækjakosti félagsins á viðburðum og koma í veg fyrir misnotkun þeirra. Fulltrúi technonefndar skal vera viðstaddur allar skemmtanir þar sem tækjabúnaður Keðjaunnar er notaður

Formaður technonefndar ber ábyrgð á tækjabúnaði Keðjunnar í samvinnu við umsjónarmann fasteigna Kvennaskólans

Útskriftarnefnd

Útskriftarnefnd skal skipuð þremur nemendum í útskriftarárgangi Kvennaskólans í upphafi skólaárs

Útskriftarnefnd ber ábyrgð á útskriftarferð nemenda Kvennaskólans sem fer fram sumarið eftir þriðja bekk.

Útskriftarnefnd skal halda utan um fjáraflanir auk þess sem hún skal finna ferðatilboð í samstarfi við stjórn Keðjunnar

Útskriftarnefnd sér um að gera samning við ferðaskrifstofu auk þess að finna áfangastað í samvinnu við ferðaskrifstofuna og nemendur

Útskriftarnefnd skal sjá um skráningu þátttakenda, skipun í hópa, innheimtu þátttökugjalda og reikningsskil í samstarfi við gjaldkera Keðjunnar

Útskriftarnefnd er skylt að vera tengiliður við fararstjóra þegar á áfangastað er komið

Útskriftarnefnd skal vera tengiliður nemenda á lokaári við stúdentshúfufyrirtæki

Vídjónefndin Klisjan

Vídjónefndin Platan skal skipuð fimm nemendum í upphafi skólaárs, svo skal að lágmarki einn nýnemi vera valinn að hausti

Hlutverk nefndarinnar er að festa böll og aðra stóra viðburði Keðjunnar á filmu. Að minnsta kosti tveir nefndarmeðlimir skulu vera viðstaddir þessa viðburði Keðjunnar til þess að mynda þá

Vídjónefndin Platan skal leitast við að setja öll myndbönd sín og skemmtiefni úr sinni smiðju svo að meðlimir Keðjunnar hafi aðgang að þeim eins fljótt og auðið er

Nefndin skal framleiða árshátíðarmynd og eplamynd Keðjunnar og sjá til þess að þær séu aðgengilegar nemendum á árshátíðardegi og epladegi

Formaður Plötunnar er fulltrúi í margmiðlunarráði

Vídjónefndin Pedróa

Vídjónefndin Pedróa skal skipuð fimm nemendum í upphafi skólaárs, svo skal að lágmarki einn nýnemi vera valinn að hausti

Hlutverk nefndarinnar er að festa minni viðburði Keðjunnar líkt og peysufatadaginn, dimmission og útgáfu Heimasætunnar á filmu. Að minnsta kosti tveir nefndarmeðlimir skulu vera viðstaddir þessa viðburði Keðjunnar til þess að mynda þá
Vídjónefndin Pedróa skal leitast við að setja öll myndböndin sín og skemmtiefni úr sinni smiðju svo að meðlimir Keðjunnar hafi aðgang að þeim eins fljótt og auðið er

Formaður Pedróu er fulltrúi í margmiðlunarráði

Önnur embætti og félög innan vébanda Keðjunnar eru:

Hagsmunarfulltrúi er fulltrúi Keðjunnar og tengiliður við SÍF (Samband Íslenskra Framhaldsskólanema). Hagsmunarfulltrúi á sæti í sambandsstjórn SÍF og sækir fundi sambandsstjórnar og Aðalþing SÍF. Einnig er hann fulltrúi nemenda í matshóp skólans. Matshópurinn metur eftirfarandi.

Mat á skólastarfi framhaldsskóla er tvíþætt: Annars vegar er um að ræða innra mat sem skólar framkvæma sjálfir. Hins vegar er um að ræða ytra mat sem utankomandi aðili vinnur á vegum ráðuneytis mennta- og menningarmála eða annara aðila.

Varahagsmunarfulltrúi er staðgengill Síf-ara komist sífari ekki á fundi.

Trúnaðarmaður sér um að vera trúnaðarmaður nemenda og er kosið í stöðuna. Hann ber að halda trúnað. Nemendur geta heyrt í trúnaðarmanni nafnlasut. Viðfangsefni sem eru borin til trúnaðarmanna er komið til stjórnarinnar eða kennara eftir óskum nemenda. Trúnaðarmanni ber að sýna tillitsemi gagnvart áhyggjum nemenda.

Kórfulltrúi er valinn af félögum í kór Kvennaskólans í upphafi skólaárs og er tengiliður kórsins við stjórn Keðjunnar. Kórfulltrúi á sæti í miðstjórn Keðjunnar.

Lénsherra aðstoðar stjórn Keðjunnar við uppfærslu og viðhald á heimasíðu Keðjunnar. Hann skal vera nefndum og ráðum Keðjunnar innan handar við að setja inn upplýsingar inn á vef Keðjunnar.

Skólanefndarfulltrúi skal skipaður af aðalstjórn Keðjunnar. Skólanefndarfulltrúi er áheyrnarfulltrúi í skólanefnd Kvennaskólans með málfrelsi og tillögurétt skv. 5. gr. laga um framhaldsskóla. Skólanefndarfulltrúi skal standa vörð um hagsmuni nemenda í skólanefnd og vera tengiliður nemenda við skólanefnd. Skólanefndarfulltrúi getur óskað eftir miðstjórnarfundi ef að svo ber undir einu sinni á önn.

Umhverfisfélag Kvennaskólans í Reykjavík er sjálfstætt starfandi félag á vegum Keðjunnar.

Árgangaráð

Árgangaráð eru fjögur talsins, eitt fyrir hvern árgang, skal það skipað bekkjarformönnum og varabekkjarformönnum í þeim árgangi

Árgangaráð skulu vinna að viðburðum fyrir nemendur í sínum árgangi

Hver bekkur kýs sér bekkjarformann og varabekkjarformann í upphafi hvers skólaárs sem sitja í árgangaráði fyrir hönd síns bekkjar

Stjórn Keðjunnar ber ábyrgð á því að komið sé á fót ráði fyrir hvern árgang í upphafi skólaárs og að búið sé að skipa formenn þeirra fyrir 1. október

Grillráð

Grillráð skal sjá um grillbúnað og að grilla á viðburðum Keðjunnar

Sæti í grillráði er opið fyrir öllum nemendum Keðjunnar

Grillráð hefur ekki sæti í miðstjórn Keðjunnar

Bekkjarformenn

Bekkjarformenn skulu vera tengiliður bekkjarins og eiga í samskiptum við stjórn og nefndir.

Auglýsa viðburði innan bekkjarins. Sjá til þess að koma skilaboðum til skila.

Bekkjarformenn skulu mæta á formannsfund í byrjun haustannar.

Bekkjarformenn fá einnig önnur verkefni úthlutuð frá stjórn Keðjunnar, kennurum og/eða stjórnendur úthluta.

V. kafli. Félagsfundir

1. gr. Lagabreytingafundur Keðjunnar

Lagabreytingafundur Keðjunnar skal haldinn árlega, eigi síðar en þremur vikum fyrir kosningar. Stjórn Keðjunnar skal auglýsa lagabreytingafund með minnst viku fyrirvara.

Aðalstjórn Keðjunnar skal skipa fundarstjóra fyrir hvern lagabreytingafund. Fundarstjóri verður að vera hlutlaus, hefur ekki kosningarétt, hefur ekki tillögurétt og má ekki hafa áhrif á skoðun annarra.

Atkvæðis- og tillögurétt á lagabreytingafundi hafa allir félagar Keðjunnar. Þá hefur félagsmálafulltrúi skólans og þeir sem nemendaráð býður sérstaklega að sitja fundinn, tillögurétt.

Einfaldur meirihluti atkvæða nægir til þess að tillaga um lagabreytingu teljist samþykkt.

Tillögur til lagabreytinga skulu háðar samþykki skólameistara og félagsmálafulltrúa áður en þær eru lagðar fram á lagabreytingafundi.

Forseti skal samþykkja lögin í heild sinni en hann hefur neitunarvald. Ef forseti beitir neitunarvaldi skal haldin atkvæðagreiðsla. Lögin teljast samþykk ef tveir þriðju hluti atkvæðisbæra fundarmanna er þeim fylgjandi.

2. gr. Miðstjórnarfundur Keðjunnar

Miðstjórnafundur Keðjunnar skal haldinn tvisvar á ári, einu sinni á önn. Stjórn Keðjunnar skal auglýsa miðstjórnarfundi með minnst viku fyrirvara.

Forseti Keðjunnar er fundastjóri á miðstjórnarfundi

Miðstjórnarfundur skal haldin til að ræða málefni sem kemur miðstjórn Keðjunnar við.

Allir meðlimir miðstjórnar hafa jafnan atkvæðis- og tillögurétt á miðstjórnarfundum.

3. gr. Hefðarbókarfundur Keðjunnar

Hefðabókarfundur Keðjunnar skal haldinn árlega í lok seinni annar. Aðalstjórn Keðjunnar skal auglýsa hefðarbókarfund með minnst viku fyrirvara.

Formaður skemmtinefndar er fundastjóri á hefðarbókarfundum.

Atkvæðis- og tillögurétt hafa allir félagar Keðjunnar.

Einfaldur meirihluti atkvæða nægir til þess að tillaga um lagabreytingu teljist samþykkt.

Ekki er leyfilegt að fleiri en 100 hefðir séu í hefðarbókinni í einu. Ef að þær eru orðnar fleiri en 100 þarf að kjósa um hvaða hefðum skuli vera eytt út á hefðarbókafundi

4. gr. – Vantraust

Stjórn Keðjunnar er skylt að boða til fundar fari a.m.k. 1/3 félagsmanna skriflega fram á slíkt. Tillögu um vantraust á stjórnina eða einstaka embættismenn Keðjunnar má bera fram á slíkum fundi. Samþykki 2/3 hluta félagsmanna þarf til að samþykkja vantraust. Verði tillaga um vantraust samþykkt skal sá eða þau/þeir sem vantraustið nær til láta þegar af störfum. Skal boða til félagsfundar innan tveggja vikna þar sem kosið skal í laus embætti.

VI. kafli. Kosningar

1. gr. – Kjörstjórn

Aðalstjórn Keðjunnar skipar 5 manna kjörstjórn í upphafi vorannar, í síðasta lagi fimm vikum fyrir kjördag. Skipan kjörstjórnar skal háð samþykki skólameistara og félagsmálafulltrúa sem velja formann kjörstjórnar.

Kjörstjórn ákveður kjördag og auglýsir eftir framboðum í nefndir, ráð og embætti Keðjunnar.

Kjörstjórn annast undirbúning og framkvæmd kosninga í samvinnu við félagsmálafulltrúa og/eða starfsmenn Kvennaskólans og annast talningu atkvæða.

Frambjóðendur skulu tilkynna framboð sitt skriflega til kjörstjórnar eigi síðar en 7 dögum fyrir kjördag. Meðlimir kjörstjórnar eru ekki kjörgengir í embætti.

Frambjóðandi skal hafa sýnt fram á með ástundun og árangri í námi að hafa svigrúm til starfa fyrir Keðjuna. Skólastjórnendur hafa rétt til að hafna framboðum á þessum eða öðrum þeim forsendum sem þykja sanngjarnar, s.s vegna agabrota. Telji kjörstjórn og/eða félagsmálafulltrúar frambjóðanda af einhverjum orsökum vera vanhæfan til setu í nemendaráði ber þeim að leggja tillögu um höfnun framboðs fyrir skólayfirvöld til samþykkis. Frambjóðanda skal gerð grein fyrir meintu vanhæfi og ástæðum þess og honum gefið færi á að tala máli sínu fyrir skólayfirvöldum.

Kjörstjórn skal standa fyrir kynningu á frambjóðendum á facebook síðu Keðjunnar. Halda skal opinn framboðsfund í sal þar sem allir frambjóðendur skulu hafa jöfn tækifæri til að kynna sig.

2. gr. – Kosningar

Kosningar í embætti Keðjunnar skulu fara fram eigi síðar en tveimur vikum fyrir síðasta kennsludag. Allir félagar Keðjunnar hafa kosningarétt og allir, að undanskildum útskriftarnemum, eru kjörgengir. Frambjóðendur til Forseta og gjaldkera Keðjunnar skulu hafa náð sjálfræðisaldri í upphafi nýs skólaárs, nema ef undantekning hefur verið veitt frá kjörstjórn, þá verða þeir einstaklingar samt sem áður að verða sjálfráða á sama ári og þeir tóku við embætti sínu sem stjórnarmeðlimir.

Kosið skal í öll þau embætti sem nefnd eru í 3. og 5. kafla samkvæmt þeim fjölda einstaklinga sem gert er ráð fyrir, að undanskildum kórfulltrúa og skólanefndarfulltrúa.

Ef þörf er skal halda haustkosningar þar sem kosið er í laus embætti.

Haustkosningar skulu fara fram eigi síðar en 1. október.

Sá sem flest atkvæði fær í kosningum hverju sinni telst rétt kjörinn. Ef aðeins eitt framboð berst í embætti þarf 2/3 hluta atkvæða til að ná kjöri.New paragraph

3. gr. – Brottvísun úr nefnd

Ef nefnd telur sig ekki geta starfað saman og hefur reynt að leysa úr ágreiningum án árangurs skal leita aðstoðar aðalstjórnar Keðjunnar. Stjórn keðjunnar skal hafa samband við félagsmálafulltrúa sem mun leysa málið í samvinnu við nefndina sem um ræðir.

4. gr. -Úrsögn úr nefnd

Ef einstaklingur kýs að hætta í nefndinni sem hann er í skal hann eða nefndin gera aðalstjórn keðjunnar viðvart

5. gr. – Inntaka nýrra meðlima eftir brottvísun eða úrsögn úr nefnd

Ef nefnd kýs að fylla í laust pláss innan hennar skal hún halda opin viðtöl sem veitir öllum jafnt tækifæri á að komast inn.