Það er ekkert leyndarmál að plánetan sé að fara til fjandans. Allstaðar í heiminum er verið að eyða regnskógum, henda rusli í sjóinn, brenna jarðefnaeldsneyti og sleppa skaðlegum efnum í andrúmsloftið. Það er auðvelt að gleyma því að heimurinn er stærri en bara litla græna Ísland. Hér á landi eru margir varir við hnattræna hlýnun og bláu ruslatunnurnar en það á því miður ekki við allstaðar annar staðar í heiminum. Fyrir nokkrum árum var t.d. hent 16.000 dauðum svínum í Huangpu ána í Shanghai í Kína, þaðan sem fólk fær kranavatnið sitt. Í Bandaríkjunum er verið að vinna í því að endurlífga, og styrkja, jarðefnaeldsneytis-notkun, sem er ein helsta orsök hnattrænar hlýnunar. Í Indlandi dóu 2,5 milljónir manns vegna mengunar árið 2015; fleiri en þeir sem dóu af malaríu eða HIV/AIDS. Á seinustu 100 árum er sjávarmálið búið að hækka um meira en 20 cm, vegna bráðnun hafíssins. Þó að við á Íslandi séum að standa okkur vel, þá er það bara ekki nóg. Loftslagsbreytingar eru að gerast of hratt til að bara Ísland geti lagað þær, það þurfa öll lönd að vinna saman til að gera einhverjar alvöru breytingar... en hvað er hægt að gera?
Til að byrja með, þá er hægt að stöðva notkun á jarfðefnareldsneyti. Brennsla jarðefnareldsneytis sleppir svo miklum koltvísýring í andrúmsloftið, að það mun taka lífkerfi jarðar mörg hundruð ár að binda það aftur (það er slæmt). Rúmlega fjórðungur af koltvísýringnum leysist svo upp í sjónum og veldur sýrnun, sem eyðir búsvæði sjávarlífsins. Í staðinn fyrir jarðefnareldsneyti, þá er hægt að nota miklu vistvænni orku, til dæmis sólarorku, vindorku eða vatnsorku.
Við getum líka hætt að framleiða óþarfa plast og endurvinna það svo ekki. Plast tekur ótrúlega langan tíma að rotna, heil 1000 ár! Þegar plast kemst í snertingu við umhverfið, þá sendir það frá sér skaðleg efni inn í jarðveginn sem geta breiðst yfir í ár og sjó og haft gríðarlega neikvæð áhrif á dýra- og plöntulíf.
Við getum hætt að losa skaðlegum eiturefnum og rusli í sjóinn. Sjórinn þekur yfir 70% af plánetunni og meira en helmingur lífs á jörðinni lifir þar, og því er mikilvægt að við varðveitum hann. Olía frá skipum, skólplosun og iðnaðarúrgangslosun eru allt stórar orsakir mengun sjávar. Allir þessir þættir draga úr sólarljósi og súrefnis sem kemst í sjóinn, sem hefur banvæn áhrif á sjávarlífið.
Við verðum að hætta að nota svona mikið af pappír. Rúmlega 4 billjón tré eru hoggin niður á hverju ári til þess að framleiða pappír. Tré eru nauðsynleg fyrir umhverfið, og sérstaklega andrúmsloftið þar sem þau drekka í sig koltvísýring og gefa frá sér súrefni og þess vegna er gríðarlega mikilvægt að við hættum að oframleiða pappír. Skógrækt er ein ódýrasta, og áhrifaríkasta leiðin til að draga úr koltvísýring í andrúmsloftinu, og er því fullkomin leið til að hjálpa umhverfinu.
Eins og sjá má, þá er fullt hægt að gera til vernda umhverfið. Allt eru þetta þó þættir sem eru erfiðir að framkvæma fyrir „venjulega einstaklinginn“. Hvað getum við venjulega fólkið gert? Fullt! Við getum hætt að kaupa hluti sem við þurfum ekki endilega á að halda. Við getum hætt að nota óþarfa plast eins og rör og plastglös. Við getum hætt að henda rusli á göturnar. Við getum hætt að eyða óþarfri orku, eins og að skilja ljósin eftir kveikt eða sjónvarpið í gangi þegar enginn er að horfa á það og við getum skipt yfir í rafmagnsbíla eða almenningssamgöngur. Við getum líka hætt að borða svona rosalega mikið kjöt! Það tekur meira vatn að framleiða einn hamborgara en það tekur að taka sturtur í tvo mánuði, þú getur alveg sleppt því að fara á Hamborgarabúllu Tómasar tvisvar í viku.
Þannig... það er fullt hægt að gera! Það er ekki of seint að koma í veg fyrir loftslagsbreytingar en það er of seint að halda að einhver annar geri það fyrir þig. Þú hefur enga afsökun til að taka ekki þátt í umhverfisvernd, hvort sem þú skráir þig í Skógræktarfélag Íslands og ræktar þúsund tré eða flokkar bara heima. Hugsaðu þig um tvisvar áður en þú kaupir pakka af plaströrum í Bónus fyrir fyrirpartýið þitt.
Við í umhverfisfélagi Kvennaskólans erum að berjast fyrir því að skólinn verði umhverfisvænni. Líklega hafið þið flest tekið eftir aukning á ruslatunnum um allan skóla. Við viljum hvetja ykkur til þess að flokka ruslið ykkar. Enda vitið þið öll að þetta er skref í rétta átt að betri umhverfi fyrir bæði Kvenskælinga og fleiri sem að ganga hér um skólann. Margt smátt gerir eitt stórt.
Upplýsingar um tunnurnar.
Blá tunna
allur pappírs- og pappa-umbúðir t.d.
fernur
pakkningar undan matvælum
pítsukassar
dagblöð og tímarit
pappír
bækur
Mikilvægt er að tæma allar umbúðir
Umbúðir sem að innihalda plast og pappír þarf að rífa í sundur og flokka í rétta tunnu
Græn tunna
í tunnuna fara allar plastumbúðir, bæði í mjúku og hörðu plasti, sem og plast sem ekki ber úrvinnslugjald t.d.
plastpokar
plastgafflar
plaströr
snakkpokar
skyrdollur
plastbox
umbúðir á samlokum
Rauð tunna
Flöskur og dósir. Drykkjarumbúðir sem mega fara ofan í rauðu tunnuna eru:
Áldósir
plastflöskur
glerflöskur
ATH. EKKI: Fernur, aðrar mjólkurumbúðir og ávaxtadrykkir í glerflöskum
Grá tunna
Almennt rusl
